នៅរសៀលថ្ងៃទីពុធ ទី ០៩ កញ្ញា តុលាការរាជធានីភ្នំពេញបានបើកសវនាការលើបណ្តឹងប្រឆាំងលោក ហូ វ៉ាន់ ពីសំណាក់មេទាហានជាន់ខ្ពស់ ២២រូប ពីបទបរិហាកេរ្ត៍ ។ ដោយឡែក អ្នកយកព័ត៌មាន និងនិពន្ធនាយករបស់កាសែត Cambodia Daily ក៏ត្រូវរងបទចោទប្រកាន់ផងដែរពីបទផ្សព្វផ្សាយព័ត៌មានបរិហាកេរ្តិ៍បន្ត។ បន្ទាប់ពីដំណើរសវនាការរបស់រយៈពេលជិតពីរម៉ោង ចៅក្រមបានសម្រេចលើកការប្រកាសសាលក្រមទៅថ្ងៃទី ២២ កញ្ញា។
តុលាការលើកពេលប្រកាសសាលក្រមករណីលោក ហូ វ៉ាន់
ខែ កញ្ញា 10, 2009 · បញ្ចេញ មួយវិចារ
→ ទំលាក់ មួយវិចារចំណាត់ក្រុម ៖ នយោបាយ · ព័ត៌មាន
អាជ្ញាធរសម្តែងការព្រួយបារម្ភចំពោះស្ថានភាពទឹកជំនន់
ខែ កញ្ញា 9, 2009 · បញ្ចេញ មួយវិចារ
កាលពីថ្ងៃទី ០៧ កញ្ញា ខេត្តកំពត និងខេត្តព្រះសីហនុ ពិសេសកំណាត់ផ្លូវជាតិលេខ ៤ បានទទួលរងគ្រោះយ៉ាងធ្ងន់ធ្ងរដោយសារទឹកជំនន់ បន្ទាប់ពីមានភ្លៀងធ្លាក់បី-បួនថ្ងៃជាប់គ្នាមក។ តួលេខដំបូងបង្ហាញថា បុរសពីរនាក់បានស្លាប់ ហើយទ្រព្យសម្បត្តិមួយចំនួនរងការខូចខាត និងបាត់បង់។ មួយថ្ងៃក្រោយមក លោកនាយករដ្ឋមន្ត្រី ហ៊ុន សែន បានចុះពិនិត្យផ្ទាល់ដល់កន្លែងក្នុងភូមិសាស្ត្រខេត្តកំពត។ ក្រសួងធនធានទឹកបានណែនាំជាពិសេសដល់អាជ្ញាធរ និងប្រជាពលរដ្ឋនៅតាមដងទន្លេមេគង្គ ទន្លេសាប ទន្លេបាសាក់ និងតំបន់ទន្លេនៅភូមិភាគឦសាន្ត ឲ្យមានការប្រុងប្រយ័ត្នខ្ពស់ ដើម្បីជៀសវាងនូវរាល់គ្រោះថ្នាក់នានា។
សូមស្តាប់សេចក្តីរាយការណ៍របស់ខ្ញុំនៅក្នុងវិទ្យុបារាំងអន្តរជាតិ
http://www.rfi.fr/actukm/articles/117/article_2963.asp
→ ទំលាក់ មួយវិចារចំណាត់ក្រុម ៖ ព័ត៌មាន
លទ្ធផលជំរឿនឆ្នាំ ២០០៨ បង្ហាញថាកម្ពុជាមានប្រជាពលរដ្ឋជាង១៣លាននាក់
ខែ កញ្ញា 9, 2009 · បញ្ចេញ មួយវិចារ
កាលពីព្រឹកថ្ងៃច័ន្ទ ទី០៧ កញ្ញានេះ រដ្ឋាភិបាលកម្ពុជាបានផ្សព្វផ្សាយ ជាផ្លូវការនូវលទ្ធផលជំរឿនប្រជាពលរដ្ឋដែលបានធ្វើឡើងកាលពីឆ្នាំ២០០៨ កន្លងមក។ លទ្ធផលបានបង្ហាញថា ចាប់តាំងពីឆ្នាំ ១៩៩៨មក ប្រជាពលរដ្ឋកម្ពុជាមានការកើនឡើង ១,៩៦ភាគរយ។ លោកនាយករដ្ឋមន្ត្រី ហ៊ុន សែន បានលើកឡើងថា បើគ្មានការបង្រួបបង្រួមជាតិទេនោះ ការងារស្ថិតិថ្នាក់ជាតិនេះ មិនអាចសម្រេចជាផ្លែផ្កាបានឡើយ។ លោកក៏បានបង្ហាញនូវសុទិដ្ឋិនិយមចំពោះតួលេខវិជ្ជមាននានា ទាក់ទងនឹងប្រជាពលរដ្ឋដែលបានរកឃើញតាមរយៈជំរឿននេះ។
សូមស្តាប់សេចក្តីរាយការណ៍របស់ខ្ញុំនៅ វិទ្យុបារាំងអន្តរជាតិ
http://www.rfi.fr/actukm/articles/117/article_2955.asp
→ ទំលាក់ មួយវិចារចំណាត់ក្រុម ៖ ព័ត៌មាន
ការងារថ្មីបទពិសោធន៍ថ្មី?
ខែ សីហា 26, 2009 · បញ្ចេញ មួយវិចារ
កន្លែងការងារដែលយើងបានធ្វើរាប់ឆ្នាំ ហាក់ក្លាយទៅជាផ្ទះរបស់យើងទៅហើយ ឯសហការីរួមការងារប្រៀបដូចជាបងប្អូន រីឯមេដឹកនាំ មិនខុសពីមាតាបិតាឡើយ។ ប្រហែលជាដិតជាប់នឹងផ្នត់គំនិតបែបនេះហើយ បានជាខ្ញុំមិនចាប់អារម្មណ៍ស្វែងរកបទ ពិសោធន៍ ក្រៅពី កន្លែងការងារសព្វថ្ងៃឡើយ។
ខ្ញុំមានសេចក្តីសុខ និងទទួលបានចំណេះដឹងយ៉ាងច្រើន តាមរយៈការងារជាអ្នកយកព័ត៌មាននៅសារព័ត៌មានជាភាសាបារាំង Cambodge Soir Hebdo ចាប់តាំងពីឆ្នាំ ២០០៣ មកម៉្លេះ។ ប៉ុន្តែពេលនេះ ខ្ញុំកំពុងស្ថិតនៅក្នុងដំណាក់កាលមួយដ៏ពិបាក និយាយរួមគឺខ្ញុំចង់បានបទពិសោធន៍ការងារនៅកន្លែងមួយទៀត។
ការសម្រេចចិត្តចង់ចេញនេះមិនមែនបានន័យថា ខ្ញុំមានបញ្ហា ឬការអាក់អន់ចិត្តអ្វីមួយនៅកន្លែងការងារបច្ចុប្បន្នឡើយ ប៉ុន្តែខ្ញុំយល់ថាមិនមានអ្វីទៀងទាត់ឡើយ លើលោកនេះ បើគ្មានការផ្លាស់ប្តូរ ក៏គ្មានការអភិវឌ្ឍន៍ដែរ។
→ ទំលាក់ មួយវិចារចំណាត់ក្រុម ៖ 1
នៅតែអត់មានពេល Update Website
ខែ មិថុនា 6, 2009 · 2 វិចារ
សង្ឃឹមថាថ្ងៃនេះខ្ញុំមានឪកាស សរសេរឬដាក់ផ្សាយនូវអត្ថបទណាមួយនៅលើប្លក់នេះ ប៉ុន្តែនៅតែមិនមានពេលវេលាគ្រប់គ្រាន់ ព្រោះថាចំវេនខ្ញុំធ្វើការ ដូច្នេះអ្វីដែលជាការងារឯកជនត្រូវទុកមួយឡែក។ អរគុណកូលាបដែលជួយដាស់តឿន។
រាល់ថ្ងៃខ្ញុំហាក់ដូចជាចំណាយពេលច្រើនសម្រាប់ប្លក់កីឡាបាល់ទាត់ roubroum.blogspot.com។
ភាគីទាំងពីររក្សាជំហរដោះស្រាយដោយសន្តិវិធី
ខែ មេសា 5, 2009 · ១ វិចារ
ដោយ អ៊ឹង ចំរើន
អត្ថបទចុះផ្សាយកាលពីថ្ងៃទី 05/04/2009
កែប្រែលើកចុងក្រោយកាលពីថ្ងៃទី 05/04/2009 12:31 ម៉ោងសកល
លោក អាប់ភិស៊ីត វេចាជីវ៉ា (Abhisit Vejjajiva) នាយករដ្ឋមន្ត្រីថៃ បានបង្ហាញពីឆន្ទៈក្នុងការដោះស្រាយបញ្ហាព្រំដែន តាមរយៈជំនួបដោយផ្ទាល់ជាមួយសមភាគីរបស់ខ្លួនគឺលោក ហ៊ុន សែន នាកិច្ចប្រជុំអាស៊ាន និងប្រទេសដៃគូ នៅក្រុងប៉ាតាយ៉ា ប្រទេសថៃនាពេលខាងមុខ។ ប៉ុន្តែសម្រាប់កម្ពុជា នេះមិនមែនជាបញ្ហាអាទិភាពឡើយ សំខាន់គឺភាគីទាំងសងខាងត្រូវគោរពនូវអ្វីដែលជាគោលការណ៍ ដែលបានកំណត់ជាមួយគ្នាកន្លងមក។
—————-
«វាជាការដ៏គួរឲ្យសោកស្តាយសម្រាប់អ្នកដែលបានបាត់បង់ជីវិត យើងនឹងខិតខំពន្លឿនការចរចាដើម្បីឲ្យស្ថានការណ៍វិលទៅរកភាព ធម្មតា» នេះជាការលើកឡើងរបស់លោកនាយករដ្ឋមន្ត្រីថៃអាប់ភិស៊ីត វេចាជីវ៉ា (Abhisit Vejjajiva) នៅក្នុងកម្មវិធីទូរទស្សន៍មួយកាលពីព្រឹកថ្ងៃអាទិត្យទី ៥មេសាន។ លោកបានបង្ហាញពីបំណងក្នុងការជួបពិភាក្សាទ្វេភាគីជាមួយលោកនាយក រដ្ឋមន្ត្រី ហ៊ុន សែន ក្នុងកិច្ចប្រជុំអាស៊ាន និងប្រទេសដៃគូរនៅក្រុងប៉ាតាយ៉ា ប្រទេសថៃនាសប្តាហ៍ខាងមុខ។លោកខៀវ កាញារីទ្ធ រដ្ឋមន្រ្តីក្រសួង
បើ តាមលោក ខៀវ កាញ្ញារិទ្ធិ អ្នកនាំពាក្យរបស់រដ្ឋាភិបាលកម្ពុជា លទ្ធភាពនៃជំនួបនេះនឹងអាចមាន ប៉ុន្តែវាមិនមែនជារឿងអាទិភាពឡើយ ដោយលោកលើកឡើងថា មធ្យោបាយដ៏ប្រសើរបំផុតនោះគឺការគោរពនូវអ្វីដែលជាគោលការណ៍ដែល បានឯកភាពជាមួយគ្នាកន្លងមក។ សម្រាប់លោក បញ្ហាព្រំដែនគឺជារឿងបច្ចេកទេសសុទ្ធសាធ ដែលត្រូវការពេលវេលាយូរដើម្បីដោះស្រាយ ចំនុចមួយដែលសំខាន់នោះ គឺដរាបណាការកាច់កុងផ្នែកនយោបាយរវាងរដ្ឋាភិបាល និងគណបក្សប្រឆាំងនៅប្រទេសថៃលើបញ្ហាព្រំដែន ពិសេស ប្រាសាទព្រះវិហារមិនទាន់ដោះ ស្រាយបានទេនោះ ការចរចានឹងមិនមានលក្ខណៈរលូនឡើយ។
លោកនាយករដ្ឋមន្ត្រី ហ៊ុន សែន តែងតែអំពាវនាវឲ្យមានភាពស្ងប់ស្ងៀម ដោយទុកលទ្ធភាពដល់ផ្នែកជំនាញនៃប្រទេសទាំងពីរធ្វើការដោះស្រាយ ហើយលោកបានបដិសេធនូវការលើកយកវិបត្តិព្រំដែនខ្មែរ-ថៃ ដាក់ក្នុងរបៀបវារៈនៃកិច្ចប្រជុំអាស៊ាន ទោះបីជាមានប្រទេសជាសមាជិកមួយចំនួន ចង់ដើរតួជាអ្នកសម្របសម្រួលក្តី។
ការ ផ្ទុះអាវុធពីរលើកកាលពីថ្ងៃសុក្រទី ៣ មេសានៅតំបន់ព្រះវិហារដែលភាគីទាំងពីរចាត់ទុកថា ជាឧប្បត្តិហេតុតូចមួយ និងជាការយល់ច្រឡំ បានបណ្តាលឲ្យទាហានថៃស្លាប់ និងរបួសជាច្រើននាក់ ដោយតុល្យការនៃចំនួនគឺមានការលើកឡើងខុសៗគ្នា។ គ្មានកងទ័ពកម្ពុជាណាម្នាក់ទទួលរងនូវគ្រោះថ្នាក់ឡើយ។ តែកម្ពុជារងការខូចខាតទីស្នាក់ការអាជ្ញាធរមួយកន្លែង និងឆេះផ្សារលក់ដូរមួយដោយសារគ្រាប់កាំភ្លើងរបស់ថៃ។
ទោះបី ជាកងទ័ពទាំងសងខាងកំពុងស្ថិតក្នុងលក្ខណៈត្រៀមរៀងៗខ្លួនក៏ដោយ តែនៅថ្ងៃអាទិត្យនេះ សភាពការណ៍មានការស្ងប់ស្ងាត់។ លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តីអះអាងថា ជំនួបរវាងមេដឹកនាំកងទ័ពថ្នាក់តំបន់នៃប្រទេសទាំងពីរកាលពីព្រឹក មិញ បានផ្តល់នូវផ្លែផ្កាជាច្រើន។ បើតាមសម្តីរបស់លោក ភាគីថៃបានសន្យាសម្រួលការបោះទីតាំងទ័ព និងផ្តល់ព័ត៌មានដល់ភាគីកម្ពុជានៅរាល់ការចល័តកងទ័ពរបស់ខ្លួន។
នៅ ថ្ងៃច័ន្ទ និងថ្ងៃអង្គារខាងមុខនេះ គណៈកម្មការព្រំដែនចម្រុះនៃប្រទេសទាំងពីរនឹងជួបប្រជុំគ្នានៅ ភ្នំពេញ ដើម្បីបន្តការពិភាក្សាការងារដែលបានធ្វើកន្លងមក ក្នុងទិសដៅបញ្ជៀសនូវជម្លោះប្រដាប់អាវុធ៕
ដើម្បីស្តាប់សំឡេងសូមចុចនៅទីនេះ
គ្មានទាហានកម្ពុជាណាម្នាក់បានពលីឡើយ
ខែ មេសា 3, 2009 · ១ វិចារ
យោងតាមសារព័ត៌មានកំបូដស័រ មិនមានទាហានកម្ពុជាណាម្នាក់បានពលីជីវិតនៅក្នុងការវាយប្រហារដោយអាវុធជាមួយកងទ័ពថៃឡើយ។ នេះជាការអះអាងរបស់លោក ខៀវ កាញ្ញារិទ្ធិ អ្នកនាំរាជរដ្ឋាភិបាល ដែលបានបដិសេធទៅនឹងការផ្សាយរបស់ភ្នាក់ងារព័ត៌មាន អាអេហ្វប៉េ ដែលផ្សាយថាមានទាហានខ្មែរពីរនាក់បានស្លាប់។
បើតាមប្រភពមិនផ្លូវការ ទាហានថៃយ៉ាងតិច ៤នាក់ស្លាប់ និងច្រើននាក់បានរងរបួស។ ហេតុការណ៍ផ្ទុះអាវុធបានកើតឡើង នៅ វាលឥន្រ្ទី ភ្នំទ្រព្យ និងតំបន់ផ្សារឡើងទៅប្រាសាទ។
ហេតុការណ៍ផ្ទុះអាវុធចំនួនពីរលើក នាថ្ងៃទី៣ មេសានេះ គឺដោយសារតែថៃបានរំលោភចូលមកដែនកម្ពុជាមុន។ រដ្ឋាភិបាលកម្ពុជា លើកឡើងថា ថៃបានរំលោភសន្ធិសញ្ញាព្រំដែន បារាំង-សៀម ឆ្នាំ១៩០៤ និងសាលក្រមតុលាការអន្តរជាតិក្រុងឡាអេ៕
អត្តបទ រួបរួម
ឌុច បង្ហាញវិប្បដិសារី និងសុំទោសចំពោះការធ្វើទារុណកម្ម និងការសម្លាប់មនុស្ស
ខែ មេសា 1, 2009 · បញ្ចេញ មួយវិចារ
ដោយ : ម៉េង ឆៃ (ថ្ងៃទី 31 មិនា 2009) ខេមបូឌាអិចបេ្រសញូស៏
ភ្នំពេញ: លោក កាំង ហ្គេកអ៊ាវ ហៅ ឌុច អតីតប្រធានគុកទួលស្លែង ឬ មន្ទីរ ស២១ បានទទួលស្គាល់កំហុស និងសំដែងនូវវិប្បដិសារីស្តាយក្រោយចំពោះការធ្វើទារុណកម្ម និងការសម្លាប់មនុស្ស នៅគុកទួលស្លែង ក្នុងចន្លោះពីថ្ងៃទី ១៧ មេសា ឆ្នាំ១៩៧៥ ដល់ថ្ងៃទី ៦ មករា ឆ្នាំ១៩៧៩ ។
នៅថ្ងៃទី២ នៃសវនាការលើអង្គសេចក្តីក្នុងសំណុំរឿងរបស់ឌុច នាថ្ងៃទី ៣១ មីនា អតីតមេគុកទួលស្លែង ក៏បានសុំទោសដល់ជនរងគ្រោះទាំងអ្នកស្លាប់ និងអ្នករស់រានមានជីវិតពីរបបខ្មែរក្រហម លើទង្វើទាំងឡាយរបស់គាត់ដែលបានប្រព្រឹត្តក្នុងសម័យកាលខ្មែរក្រហមកាន់កាប់អំណាចផងដែរ ។
ពាក់អាវសក្រឡាដៃខ្លី នៅក្នុងអង្គសវនាការ ឌុច ត្រូវបានអនុញ្ញាតឲ្យឡើងឈរ មានយោបល់ ។ ឌុច បានអានក្រដាសសសេរព្រាងទុក ដោយសម្តីមួយៗតែច្បាស់ៗ ជាមួយនឹងការទទួលស្គាល់ថា ឧក្រិដ្ឋកម្មនៅ ស២១ ឬគុកទួលស្លែង ខ្ញុំសូមទទួលខុសត្រូវតាមផ្លូវច្បាប់ ចំពោះឧក្រិដ្ឋកម្មទាំងអស់ ដែលកើតនៅមន្ទីរ ស២១ សំខាន់គឺការធ្វើទារុណកម្ម ដែលនាំដល់ការផ្តាច់ផ្តិលជីវិតមនុស្ស។ ចំពោះការធ្វើទារុណកម្ម ខ្ញុំក៏សូមសំដែងនូវវិប្បដិសារី ( ការស្តាយក្រោយ ) ចំពោះឧក្រិដ្ឋកម្មគ្រប់យ៉ាងនៅក្នុងរបបកម្ពុជាប្រជាធិបតេយ្យ ខ្មែរក្រហម ។
ឌុច បានបន្ថែមថា តាមតម្រាយដែលលោកបានសំដែងឡើងវិញ នៅជើងឯក និងនៅសារមន្ទីរទួលស្លែង គឺលោកសុំអនុញ្ញាតចូលសុំទោសជនរងគ្រោះដែលរស់រាន មានជីវិត និងគ្រួសារជនរងគ្រោះ ដែលបានបាត់បង់ជីវិតនៅ ស២១ ។ ពេលនេះ ខ្ញុំសូមអស់លោកទាំងនោះ លោកមេត្តាទទួលដឹងឮថា ខ្ញុំចង់សុំទោស ។ សូមលោកមេត្តាយកបំណងនេះទៅពិចារណា ។ ខ្ញុំពិតជាមិនទាន់ទាមទារឲ្យលោកអត់ទោសឲ្យខ្ញុំនៅពេលឥឡូវនេះទេ ។
ជាមួយនឹងការលើកឡើងខាងលើនេះ លោក កាំង ហ្គេកអ៊ាវ ក៏បានថ្លែងថា ខ្ញុំដឹងហើយថា ឧក្រិដ្ឋកម្មរបស់ខ្ញុំទៅលើជីវិតមនុស្ស ជាពិសេស ទៅលើជីវិតស្ត្រី និងកុមារ ជាឧក្រិដ្ឋកម្មធ្ងន់ធ្ងរមិនអាចអត់អោនឲ្យបានទេ។ សុំណូមពរបច្ចុប្បន្ននេះរបស់ខ្ញុំ គឺសូមអស់លោក មេត្តាទុកទ្វារចូលសុំទោសនេះ ឲ្យនៅចំហរ ។
ជាមួយនឹងសម្លេងរាងអួរដើមក តែមិនចេញទឹកភ្នែកទេ ឌុច បានបញ្ជាក់ពីវិប្បដិសារីដ៏សែនចុកចាប់របស់លោកថា រម្លឹកអតីតកាលពេលណា ខ្ញុំសែនខ្លោចផ្សាពេលនោះ។ ខ្ញុំសែនតក់ស្លត់ណាស់ កាលណាខ្ញុំនឹកដល់សកម្មភាពកន្លងមក ដែលខ្ញុំ បានទទួលអនុវត្តន៍ និងបានបញ្ជាឲ្យអនុវត្តន៍ ដែលសុទ្ធតែជាសកម្មភាពប៉ះពាល់ដល់ អាយុជីវិតជនស្លូតត្រង់យ៉ាងច្រើន ក្នុងនោះរួមមានទាំងស្ត្រី និងកុមារ ។ ទោះបីជាខ្ញុំធ្វើដោយគោរពតាមបញ្ជារបស់អង្គការក៏ដោយ ក៏ខ្ញុំពិតជាទទួលខុសត្រូវចំពោះឧក្រិដ្ឋកម្មទាំងនេះ ។
ឌុច បានបញ្ជាក់ថា ក្នុងឋានៈជាប្រធានមន្ទីរ ស២១ គឺធ្វើអ្វីៗតាមតែថ្នាក់លើប៉ុណ្ណោះ ដោយមិនហ៊ានប្រកែកប្រណាំងអ្វីទេ ទោះដឹងថា ធ្វើតាមបញ្ជាទៅ ត្រូវស្លាប់មនុស្សរាប់ពាន់ពាន់នាក់ក៏ដោយ។ ថ្នាក់លើរបស់ ឌុច គឺ សុន សេន និងបងទី២ ( នួន ជា )។ ឌុច អះអាងថា បើមិនធ្វើតាមបញ្ជារបស់ថ្នាក់លើ នោះលោក និងក្រុមគ្រួសារ ក៏ត្រូវគេសម្លាប់ ។
ចំពោះការសុំទោសរបស់ឌុច ត្រូវបានមហាជន ដែលជាអ្នកចូលរួមតាមដានសវនាការដោយផ្ទាល់នៅតុលាការខ្មែរក្រហម មិនទទួលយកឡើយ។ អ្នកចូលរួម ដែលជួបសម្ភាសន៍ និងមានសាច់ញាតិត្រូវស្លាប់ក្នុងរបបខ្មែរក្រហម បានអះអាងថា ការធ្វើទារុណកម្ម និងការសម្លាប់មនុស្ស មិនអាចអត់អោនតាមរយៈការសុំទោសទេ ។ រឿងនេះ ទុកឲ្យតុលាការ ជាអ្នកផ្តន្ទាទោសអតីតមេគុកទួលស្លែងទៅតាមកំហុស។ ចំណែកការអះអាងរបស់ឌុច ដែលថា ការធ្វើទារុណកម្ម និងការសម្លាប់មនុស្ស គឺធ្វើតាមបញ្ជារបស់ថ្នាក់លើ ហើយបើមិនធ្វើ ត្រូវគេសម្លាប់ នោះគ្រាន់តែជាពាក្យដោះសាររបស់ ឌុច ប៉ុណ្ណោះ ។
យ៉ាងណាក៏ដោយ អតីតមេគុកទួលស្លែងអាយុ ៦៧ ឆ្នាំរូបនេះ ក៏បានទម្លាក់កំហុសនាំដល់ការសម្លាប់មនុស្សក្នុងរបបខ្មែរក្រហម លើបក្សកុម្មុយនីស្ត ដែលពេលនោះក្រោមការដឹកនាំរបស់ប៉ុលពត ។ លោក កាំង ហ្គេកអ៊ាវ បានអះអាងក្នុងសវនាការថា បក្សកុម្មុយនីស្តកម្ពុជា ជាអ្នកទទួលខុសត្រូវផ្តាច់មុខនៃការសម្លាប់មនុស្ស ចាប់ពីថ្ងៃទី ១៧ មេសា ឆ្នាំ១៩៧៥ ដល់ថ្ងៃទី ៦ មករា ឆ្នាំ១៩៧៩ ។
នៅថ្ងៃទី២ នៃសវនាការ ឌុចក៏បានបង្ហាញពីរូបគំនូរមួយផ្ទាំងគូរផ្ទាល់ដៃ ដែលមានចំណងជើងថា ថ្ងៃអង្សាររបស់បក្សកុម្មុយនីស្តកម្ពុជា។ រូបគំនូរនោះ បានលើកឡើងផ្នែកខាងលើពីថ្ងៃខួបបក្សនៅឆ្នាំ១៩៧៨ និងមានសញ្ញារូបកណ្តៀវ ជាមួយនឹងរូបថ្នាក់ដឹកនាំបក្ស៣រូប។ គឺ នួន ជា អង្គុយខាងស្តាំដៃ ប៉ុល ពត និងតាម៉ុក អង្គុយខាងឆ្វេងដៃ ប៉ុល ពត។ នៅខាងក្រោមថ្នាក់រូបដឹកនាំទាំង៣រូប មានគំនរឆ្អឹង និងក្បាលខ្មោច ៤គំនរ ។
សូមបញ្ជាក់ថា សវនាការលើករណី ឌុច នឹងត្រូវបន្តទៅធ្វើនៅថ្ងៃទី១មេសា ដែលតាមការគ្រោងទុក ត្រូវលើកឡើងពីការព្រមព្រៀងលើអង្គហេតុ រវាងសហព្រះរាជអាជ្ញា និងសហមេធាវីការពារក្តីនឹងបង្ហាញអង្គហេតុដែលបានព្រមព្រៀង ប្រសិនបើមាន ។ ក្នុងនោះ ក៏នឹងមានលើកឡើងពីសំណើររបស់ភាគីទាំងអស់មកពិភាក្សា រួមជាមួយ នឹងប្រធានអង្គជំនុំជម្រះ ប្រាប់ដល់ភាគីទាំងអស់អំពីលក្ខណៈនៃការសួរសំណួរដល់ជនជាប់ចោទ ៕
→ ទំលាក់ មួយវិចារចំណាត់ក្រុម ៖ ខ្មែរក្រហម
ស្វែងយល់ពីកំណត់ហេតុរបស់សុវុឌ្ឍី
ខែ មីនា 26, 2009 · ១ វិចារ
ប្លក់ sovuthy90.wordpress.com បានធ្វើឲ្យខ្ញុំមានចំណាប់អារម្មណ៏យ៉ាងខ្លាំងដោយសារ ម្ចាស់ប្លក់ (អ៊ុំ សុវុឌ្ឍី) ចូលចិត្តរៀបរាប់នូវអ្វីដែលជាកំណត់ហេតុជីវិត និងអារម្មណ៍ផ្ទាល់ខ្លួន។ បន្ថែមពីនោះ សុវុឌ្ឍី ក៏ចុះផ្សាយនូវអត្ថបទបែបពិភាក្សា ចម្រៀង រឿងកំប្លែង និងដំណឹងអាហារូបករណ៍ផ្សេងៗ។ សុវុឌ្ឍី កើតនៅឆ្នាំ ១៩៩០ នារាជធានីភ្នំពេញ។ យុវជនរូបនេះបានបញ្ចប់ការសិក្សាថ្នាក់មធ្យមនៅវិទ្យាល័យបាក់ទូក ហើយបច្ចុប្បន្ន កំពុងសិក្សា ថ្នាក់បរិញ្ញាប័ត្រនៃ Assumption University, majoring in Finance and Banking, and minoring in Business Information System.(2008-Present)។ គតិរបស់គ្រូដែលសុវុឌ្ឍីចាំឥតភ្លេចនោះគឺ អ្នកឈ្នះមិនដែលបោះបង់ អ្នកបោះបង់មិនដែលឈ្នះ។
ខាងក្រោមនេះជាអត្ថបទមួយដែលសុវុឌ្ឍីសរសេរពីអារម្មណ៍របស់ខ្លួននៅពេលដែលនឹកផ្ទះ៖
ជិតដល់ពេលទៅផ្ទះហើយ
បើគិតពីថ្ងៃទី២៦ ខែឧសភា ២០០៨ ដល់ថ្ងៃទី២៦ ខែមិនា ២០០៩ នេះ គឺ គ្រប់១០ខែគត់ដែរខ្ញុំបានមកសិក្សានៅទីនេះ។ ពេលវេលាពិតជាដើរលឿន មិនបានប៉ុន្មានផង ១០ខែក៏ជិតកន្លងផុត។ហេហេ ១០ខែនេះហើយដែល ខ្ញុំ មានជម្ងឺដែលគ្មានថ្នាំព្យាបាល ១០ខែដែលធ្វើឲ្យខ្ញុំ បានដឹងអ្វីថ្មី និងមនុស្សថ្មីៗ ។ ហើយអ្វីដែលខ្ញុំ ទន្ទឹងរង់ចាំជាយូរនោះវាបានជិតមកដល់ហើយ គឺការទៅលេងផ្ទះលើក ទី១របស់ខ្ញុំ ដែលនឹងមកដល់នាពេលមិនយូរនេះ (hehe I start counting down) ។ ហើយ អារម្មណ៍សប្បាយក៏ចាប់ផ្តើមមានបន្តិចម្តង ប៉ុន្តែក៏មិនសប្បាយហួសហែតដោយសារតែរឿងនឹងពេកទេ ដោយខ្ញុំត្រូវបំពេញកិច្ចមួយ មុននឹងត្រឡប់ទៅលេងផ្ទះ នោះគឺការប្រឡង ពាក់កណ្តាលឆមាសសម្រាប់វគ្កសិក្សារដូវក្តៅនេះ ដែល វាក៏ជិតកៀកនឹងមកដល់ដែរ។
→ ១ វិចារចំណាត់ក្រុម ៖ ប្លក់ដែលខ្ញុំបាន Link
